Өткен сауда қорытындысы бойынша мәскеу уақытымен 14:02-дегі (Нұр-Сұлтан уақытымен 17:02) шілдедегі фьючерстердің Brent маркалы мұнайының бағасы 0,68%-ға өсіп, барреліне 115 доллар болды.
Мұнай нарығы қайтадан оң динамика көрсетіп жатыр. Шанхай 1 маусымнан бастап коронавирус шектеулерді алып тастау ниетін жариялағандықтан инвесторлар Қытайдан сұраныстың артатынын күтіп отыр. Атап айтқанда, көлік қатынасының жандануы бензинге деген сұраныстың артуына ықпал етеді, – делінген хабарламада.
Қазақстан қор биржасының (KASE) мәліметінше, Қазақстанда доллар бағамы шамамен 3 теңгеге өсіп, бір доллар үшін 432,79 теңге болды.