Қала тұрғыны Олеся Геря жылу беру жұмысын жедел атқарғаны үшін барлық қызметкерге алғысын айтты.
Президент Қасым-Жомарт Тоқаев Үкіметке және Қостанай облысының әкімі Құмар Ақсақаловқа барлық коммуналдық нысанның үздіксіз жұмысын қамтамасыз ету ісін ерекше бақылауға алуды тапсырды.
21 қаңтарда Мемлекет басшысы Қасым-Жомарт Тоқаев Қостанай облысына жұмыс сапарымен барды. Сапар аясында өңірдің бірқатар өндірістік кәсіпорындары мен әлеуметтік нысандарына бару жоспарланған болатын.
Президент өңір басшылығының апаттың салдарын жою және қалпына келтіру жұмыстарын жүргізу туралы баяндамасын тыңдады.
Содан кейін Мемлекет басшысы Үкіметке, облыс пен қала әкімдеріне осы мәселемен айналысуды тапсырғанын мәлімдеді.