Облыс әкімінің тапсырмасы бойынша 22 қыркүйекте халықтың ескертуіне байланысты Елек өзені үстінен өтетін көпір уақытша жөндеуге жабылды. Көліктер Сүт зауыты шағын ауданындағы айналма жол арқылы жүріп жатқан болатын.
Сурет: Ақтөбе облысы әкімдігінің баспасөз қызметі
Өңір басшысы бұл мәселені ерекше өз бақылауына алған.
Сурет: Ақтөбе облысы әкімдігінің баспасөз қызметі
Екі күн бойы мердігер компания тәулік бойына үзіліссіз жұмыс істеді. Мұнда арнайы техника мен қажетті көлемде жол жөндеуші жұмысшылар тартылды.
Сурет: Ақтөбе облысы әкімдігінің баспасөз қызметі
Жөндеу жұмысымен танысқан облыс әкімі мердігерге таңға дейін көпір үстін толық тазалап, жол үсті сызбаларын жасап, 24 қыркүйекте таңертең оны ашуды тапсырды.
Сурет: Ақтөбе облысы әкімдігінің баспасөз қызметі
Облыс әкімдігі бұл ағымдағы жөндеу болғандықтан көпір үстіндегі шұңқырлар бітелгенін, күзгі құбылмалы ауа райына байланысты жолды толығымен күрделі жөндеу мүмкін еместігін жеткізді. Өйткені жүк көліктері көп қатынайтын маңызы бар жол болғандықтан, көпірді ұзақ уақытқа жабу жол қозғалысына кері әсерін тигізеді.
2023 жылы аталмыш жол толығымен мердігер ұйыммен кепілдік міндеттемелер шеңберінде күрделі жөндеуден өтеді.