Павлодар облысының әкімі Әбілқайыр Сқақов Екібастұздағы жылу желілеріне қатысты сағат 14:30-дағы жағдай бойынша есеп берді.
Әкім әлеуметтік нысандарды аралап шықты. Жергілікті билік қиын жағдайға тап болған балаларды қолдау орталығындағыларды Павлодарға көшіру туралы шешім қабылдады.
"Ауруханалар бойынша, әзірге біз автобустарды дайын ұстап отырмыз, тасымалдау қажеттігі туындап жатқан жағдайда ғана деп. Жақын арада штаб отырысын өткіземіз". Әбілқайыр Сқақов
2022 жылы 27 қарашада ЖЭО-да сағат 01.30-да жылу желілеріндегі ақауларға байланысты Екібастұз қаласы жылусыз қалды. Облыс әкімі таңертең оқиға орнына келіп, арнайы штаб құрды. Ақауларды жөндеу жұмыстарына 20 шақты бригада жұмылдырылып жатыр.
