Ол жол-көлік инфрақұрылымын дамыту, қоршаған ортаны қорғау және табиғатты пайдалану, қала ортасының сапасын бақылау және бақылау, қаланың санитарлық тазалығы мен кешенді абаттандыру мәселелерін қадағалайды.
Нұрлан Нүркенов 1976 жылғы 3 қарашада Целиноград қаласында дүниеге келген.
С. Сейфуллин атындағы Ақмола аграрлық университетін, ҚР Президенті жанындағы Мемлекеттік басқару академиясы Мемлекеттік саясаттың ұлттық мектебін, Қазтұтынуодағының Қарағанды экономикалық университетін тәмамдаған.
Еңбек жолын 1995 жылы "Шамшырақ" ХЖҚ-да менеджер ретінде бастаған болатын.
- 2003 жылдан 2006 жылға дейін Астана әкімі аппаратының ұйымдастырушылық-инспекторлық жұмыс бөлімнің бас маманы, өндірістік сала бөлімінің меңгерушісі болып жұмыс істеді.
- 2006-2010 жылдар аралығында ҚР Президенті Іс басқармасының күрделі құрылыс және техникалық қадағалау, ресми іс-шаралар мен сыртқы байланыстар жөніндегі бөлімдерінің меңгерушісі және орынбасары қызметін атқарды.
- 2010 жылы Астанадағы "Мөлдір су" ЖШС басшысы қызметіне тағайындалды.
- 2013 жылдан 2014 жылға дейін Бурабай ауданының әкімі болды.
- 2014 жылдан Ақмола облысы әкімінің өндірістік сала жөніндегі орынбасары қызметін атқарды.
- 2017 жылы ҚР Президенті Әкімшілігінің мемлекеттік инспекторы болып тағайындалды.
2019 жылғы ақпан айынан бастап Нұр-Сұлтан қаласы әкімінің орынбасары қызметінде болды.
