Дипломаттар көп дегенде бес күн ішінде елден кетуі керектігі айтылады, деп хабарлайды ТАСС.
Ресей елшісі Сергей Андреев поляк билігінің шешімін негізсіз деп атады. Бірақ оның өзі нон-грат тұлғалар тізімінде жоқ.
Ресми Варшаваның пікірінше, ресейлік дипломаттар өз мәртебесіне сәйкес келмейтін іс-әрекеттері үшін елден шығарылмақ, оларға тыңшылық жасады деген күдік келтірілген.
Алдында арнайы барлау қызметі Ресейдің пайдасына тыңшылық жасады деген күдікпен Польша азаматын ұстағаны белгілі болды. Оның АХАЖ мұрағаты бөлімінде жұмыс істегені, ресми құжаттар, сондай-ақ тарихи жазбалардың Орталық мұрағаты мен Варшава мемлекеттік мұрағатының материалдарын қарауға рұқсаты болғаны нақтыланады.
