Сайлауға қазіргі француз лидері Эммануэль Макрон қатысып жатыр, оның басты қарсыласы - "Ұлттық бірлестіктің" кандидаты, Парламент депутаты Марин Ле Пен, деп хабарлайды РИА Новости.
Француздар кешкі 20-00-ге дейін дауыс бере алады. Париж, Лион, Марсель және Ницца сияқты кейбір үлкен қалаларда сайлау учаскелері кешкі 21-00-ға дейін жұмыс істейді.
Егер бірінші турда жеңімпазды анықтау мүмкін болмаса, екінші тур екі аптадан кейін өтеді. Elabe компаниясының сайлау алдындағы сауалнамасына сәйкес, Франция президенттігіне үміткер және "Ұлттық бірлестіктің" оңшыл партиясының жетекшісі Марин Ле Пен өзінің қарсыласы Бесінші Республиканың көшбасшысы Эммануэль Макроннан алшақтықты бір пайызға дейін қысқарта алды.
Алғашқы ресми алдын-ала нәтижелер түн ортасына дейін белгілі болады деп күтіледі. Қолданылып жүрген заңдарға сәйкес, қандай да бір сауалнама деректерін немесе дауыс беру барысының бағамын, сондай-ақ президенттік марафонға қатысушылардың мәлімдемелерін дауыс беру аяқталғанға дейін жариялауға қатаң тыйым салынады.
