Сот Боливия Президентінің бұрынғы міндетін атқарушы Жанин Аньесті мемлекеттік төңкеріс ісі бойынша кінәлі деп танып, оны 10 жылға бас бостандығынан айырды, деп хабарлайды ТАСС.
Ақпарат агенттігінің мәліметінше, сот үкімді тараптардың назарына жеткізді, бірақ шешімнің негіздемесі бірнеше күннен кейін жарияланады.
Мемлекеттік төңкеріс ісі бойынша Аньеске террорды, бүлікті ұйымдастырды, қастандық, сатқындық жасады деген айыптар тағылды.
2019 жылдың қарашасында Боливия президенті Эво Моралес өзінің қайта сайлануына қарсы ұйымдастырған ауқымды наразылық акцияларынан кейін отставкаға кетуге мәжбүр болды. Ал жаңа сайлау өткізілгенше Аньес Мемлекет басшысының міндетін атқарушы болды.
2020 жылдың қазан айында Луис Арсе Президент болып сайланды. Кейіннен Боливияның Конституциялық соты Жанин Аньестің Президент болып тағайындалуын заңсыз деп тапқан шешімді қабылдады.