Басылымдағы жарияланымда келтірілген деректерге сәйкес, бір үкіметтің қаржылық күйреуі домино әсерін тудыруы мүмкін, яғни бұл елдердің "инфекцияға шалдыққанына" ұқсайды.
Дүниежүзілік банктің (ДБ) бас экономисі Кармен Рейнхарттың айтуынша, "табысы төмен елдерде қарыздық тәуекелдер мен дағдарыстар гипотетикалық мәнге ие емес": Сальвадор, Гана, Египет және Пәкістан үлкен дефолттық тәуекелдерге ие. Сонымен қатар, мақала авторы сендіріп өткендей, Шри-Ланка мен Ливан қазірдің өзінде дефолт жағдайында.
Басылымның жазуынша, экономикалық күйзеліске капиталын әлемдік нарыққа шығаруда тәжірибесі аз елдер жиі бастан кешеді. Сыртқы баланстары мен валюта резервтері сенімді болуының арқасында неғұрлым тұрақты елдер де бар. Мысал, Қытай, Үндістан, Мексика және Бразилия.
Берешегі көптік, бағаның күрт өсуі және тәртіпсіздіктер сынды белгіге ие елдерден инвесторлар қаражатын шығарып алуда. Маусым айында шетелдік қаржы менеджерлері құнды қағаздар мен акциялардың дамушы нарықтарынан 4 миллиард доллар шығарып әкетті. Қаражаттың сыртқа ағылуы төрт ай қатарынан байқалды.
