Жапондық Kyodo агенттігінің хабарлауынша, сарапшыларға Тецуя Ямагамидің өз әрекеті үшін сот алдында жауап беруге қабілеттігін анықтауға төрт ай уақыт берілген.
Сондай-ақ қылмыскердің үйінен табылған қолдан жасалған қаруларға баллистикалық сараптама жүргізеді. Егер оның өлімге әкелуі мүмкін екендігі анықталса, күдіктіге кісі өлтірді деген айыппен қоса, атыс қаруын заңсыз дайындады және сақтады деген айып тағылуы мүмкін.
8 шілдеде Нара қаласында Синдзо Абэге қастандық жасалды. Абэ көшеде сөз сөйлеп тұрғанда Тецуя Ямагами оны атып тастады. Синдзо Абэ қансырап, есінен танып ауруханаға жеткізілді. Көп ұзамай қайтыс болды.
