Өзін-өзі жариялаған Косовоның солтүстігіндегі тұрақтылыққа қауіп төнген жағдайда Солтүстік Атлантикалық альянс НАТО-ның «Косовоға арналған күштері» (KFOR) миссиясының көмегімен араласуға дайын, деп жазды «Известия».
Косовоның солтүстігіндегі муниципалитеттегі жалпы қауіпсіздік жағдайы шиеленісіп тұр. НАТО жетекшілік ететін KFOR миссиясы жағдайды жіті бақылап отыр және аймақтағы тұрақтылыққа қауіп төнсе араласуға дайын. KFOR
KFOR тараптарды келіссөздерді қайта бастауға шақырып, аймақта бейбітшілік пен қауіпсіздікті орнату үшін оны жалғастырудың маңыздылығын атап өтті.
31 шілдеде аймақтың солтүстігіндегі косоволықтар «Брняк» өткелінің әкімшілік нүктесін жауып тастағаны белгілі болды. Сондай-ақ БАҚ Косовска-Митровица қаласының серб және албан халқы қаланың өз бөліктерінде топ-топ болып жиналып жатқанын хабарлады. Сонымен бірге Сербияның Қорғаныс министрлігі Косовомен шиеленіске серб тарапының қатысы бар дегенді жоққа шығарды.
Сербия Ұлттық ассамблеясының (бір палаталы парламент) Косово және Метохия комитетінің басшысы Милован Дрецун өзін-өзі жариялаған Косово Республикасының премьер-министрі Альбин Куртидің күтпеген әрекеті елде ауқымды қақтығыстарға әкелуі мүмкін екенін мойындады. Бұған дейін Вучич Приштинаның өз аумағындағы серб құжаттарын 1 тамыздан бастап жарамсыз деп тану жоспары туралы ескерткен болатын.
Петар Петкович өзін-өзі жариялаған Косово Республикасы билігінің 1 тамызда Сербияда берілген серб құжаттары мен көлік нөмірлерімен кіруге салған тыйымы қабылданбайды және этникалық сербтерді Косово мен Метохиядан қууға бағытталғанын айтты.
