Associated Press агенттігі америкалық шенеуніктердің сөзіне сүйене отырып жазуынша, алғашқы мәліметтер Польша аумағына түскен снарядтарды жақындап қалған Ресей зымыранын атып түсіру үшін Украина әскері жібергенін көрсетеді.
DW агенттігі АҚШ президенті Джо Байден Польшада құлаған зымырандарды Ресейден атылғанына күмәнданатынын жазды. Оның сөзінше, "алдын ала ақпарат бұл фактіні жоққа шығарады".
15 қарашада Польшаның Украинамен шекаралас оңтүстігіндегі аумағына екі зымыран құлап, екі адам қаза тапты. Польша билігі зымырандарды кім атқанын әлі нақты айта алмай отыр.