"Мәскеудегі Қазақстан елшілігінде орналасқан №265 сайлау учаскесіне келдім. Бұл менің шетелде бірінші рет дауыс беруім. Шынымды айтсам, сайлау учаскесіне келгенде, азаматтық борышын өтеуге келген отандастарымыздың кезегі таң қалдырды. Бір жағынан, бұл жақсы да. Демек, елімізді кім басқаратынына отандастарымыз бей-жай қарамайды". Әнші Ержан Нұрғалиев
Өнер адамы "бұл – жеке адамдардың таңдауы емес, әр адамның, әрбір азаматтың таңдауы және ең алдымен өзіңнің, отбасыңның, жалпы ел алдындағы таңдауың" деп есептейді.
"Ел тағдыры әрқайсымызға, ұстанымымызға, дүниетанымымызға, елімізге, халқымызға деген көзқарасымызға байланысты екенін бәріміз түсінуіміз керек. Сіздің мәселеңізді біреу шешіп береді деп күтудің, үміттенудің қажеті жоқ. Әркім өз жұмысын кәсіби түрде атқаруы керек, солай емес пе? Әртістер ән айтуы керек, саясаткерлер саясатпен айналысуы тиіс, ғалымдар ғылыммен айналысуы қажет... " Әнші Ержан Нұрғалиев
Оның сөзінше, әркім өз ісімен айналысса, еліміз дами түседі.
Отанымды өте жақсы көремін және елімнің гүлденуі мен амандығын тілеймін, – дейді әнші.