Ұлыбритания ханзадасы Гарри Ауғанстанда қызмет еткен жылдары 25 адамды өлтіргенін мойындады, деп жазды Sky News.
Ханзаданың "Spare" естелік кітабы 10 қаңтарда шығады деп жоспарланған, алайда кейбір басылымдар кітаптан үзінді жариялай бастады. Гарридің мемуары "король отбасының ашу-ызасын тудыратыны" айтылып жатыр.
"Мен жаудың қанша жауынгерін өлтіргенімді әрқашан дәл айта алатынмын. Сонымен ол сан – 25. Бұл мені қанағаттандырмады, дегенмен ұялған да жоқпын". Ханзада Гарридің "Spare" кітабынан үзінді
Британдық ханзада 10 жыл әскерде болып, Ауғанстанда екі мерзім қызмет етті.
