Қытайдың Орталық теледидары хабарлағандай, ол сәрсенбіде ҚХАА-ның Оңтүстік жауынгерлік қолбасшылық аймағын тексеру кезінде осындай нұсқау берді.
Си Цзиньпин армия қиын жағдайлар мен сын-тегеуріндерге тиісті түрде жауап беру, "Қытайдың территориялық тұтастығын, теңіздегі құқықтары мен мүдделерін батыл қорғау" қабілетін жетілдіруі керек деп атап өтті.
Сонымен қатар Қытай көшбасшысы әскери іс саласындағы оқыту тактикасы мен әдістерін жаңартудың, сондай-ақ зерттеулерді тереңдетудің маңыздылығы туралы айтты.
Си Цзиньпин Тайвань маңында ауқымды жаттығулар өткізгеннен кейін ҚХАА-ның Оңтүстік жауынгерлік қолбасшылық аймағына барды. Аралдың айналасындағы маневрлерға Тайбэй әкімшілігінің басшысы Цай Инвэньнің АҚШ-та болуы түрткі болды. Өткен аптада АҚШ Конгресінің Өкілдер палатасының спикері Кевин Маккарти онымен кездесу өткізді, содан кейін америкалық тарап Тайваньға қару-жарақ сатуды жалғастыру қажет деп мәлімдеді.
ҚХР Қарулы Күштері 8 сәуірде Тайвань аралының айналасындағы теңіз суларында "Тайвань сепаратистеріне және оларды қолдайтын сыртқы күштерге ескерту сипатында" әскери жаттығуларды бастады.