Iran Press басылымының жазуынша, Ыстамбұлда кенет қатты нөсер жауған. Күн райының қолайсыздығынан әсіресе қаланың еуропалық бөлігі мен Бююкчекмедже, Башакшехир, Арнавуткей, Кючюкчекмедже, Газиосманпаша аудандары қатты зардап шекті.
Қаланың бұл бөлігіндегі көптеген жолдар мен дүкендер су астында қалды. Көлік қатынасы тоқтады. Солтүстіктегі екі облыста БАҚ-тың хабарлауынша, бірнеше қаза тапқандар бар (нақты саны әлі жарияланған жоқ). Сонымен қатар, әзірге 31 зардап шеккені мәлім болды. Түркияның ішкі істер министрі Али Ерликая күн райының қолайсыздығынан зардап шеккен аймақтарда төтенше жағдай жариялады.