Келісімге мемлекет басшылары 2022 жылғы 19 сәуірде Мәскеуде қол қойды.
ҚР премьер-министрінің орынбасары – Қаржы министрі Ерұлан Жамаубаевтың айтуынша, келісімнің мақсаты ЕАЭО аудиторлық қызметтерінің бірыңғай нарығын қалыптастыру, аудиторлық қызметтерді шектеулер мен ерекшеліктерсіз, қосымша қызметтерсіз жеткізу және алу, қабылдаушы елде құру, аудиторлардың біліктілік сертификаттарын және аудиторлық есептерді өзара тану.
"Келісім аудиторларға, аудиторлық ұйымдарға қойылатын бірыңғай талаптарды, аудиторлық қызметті жүзеге асыру құқығының пайда болуы мен тоқтатылуын, сараптамаларды, сыртқы сапаны бақылау және аудит стандарттарын анықтайды".Ерұлан Жамаубаев
Келісім екі кезеңде күшіне енеді:
- ратификациядан кейін мүше мемлекеттерде аудиторлық қызметтердің бірыңғай нарығын құрудың ұйымдастырушылық мәселелері жөніндегі баптар жұмыс істей бастайды;
- Бірыңғай нарық Одақ Жоғарғы Кеңесінің шешімімен белгіленген күннен бастап жұмыс істей бастайды.
Келісім сонымен қатар бір мемлекеттің аудиторлық ұйымдары мен жекелеген аудиторларын ЕАЭО-ның басқа мемлекеттеріне жіберуді қамтамасыз етуге байланысты қатынастарды реттейді.