Күдікті Джозеф Чубаны полиция сенбі күні Чикагоның Плейнфилд маңында ұстады. Олар Чубаны үйдің кіре берісінде жерде отырған жерінен тапқанын айтты. Бұл туралы UPI жазды.
Үйдің жатын бөлмелерінің бірінен полицейлер пышақ жарақатын алған бала мен оның анасын тапты. Олар ауруханаға жеткізілді. Баланың жағдайы ауыр болып, алған жарақаттарынан ауруханада көз жұмды. Ал әйелдің жағдайы ауыр. Полицейлердің мәліметінше, балаға 26 рет, ал әйелге оннан астам рет пышақ сұғылған.
Джозеф Чубаға бірінші дәрежелі кісі өлтіру, бірінші дәрежелі кісі өлтіруге оқталу, өшпенділік қылмысын жасау және өлімге әкелетін қарумен жарақаттау сияқты екі айып тағылды.
"Детективтер осы қатыгез шабуылдың екі құрбаны да мұсылман болғандықтан және ХАМАС пен израильдіктер арасында жалғасып жатқан Таяу Шығыстағы қақтығысқа байланысты күдікті ретінде нысанаға алынғанын анықтай алды".Уилл округінің шериф кеңсесінің мәлімдемесінен
Америка-Ислам қатынастары кеңесінің белсенділері билікті қақтығысты талқылауға назар аударуға шақырды. Олар 11 қыркүйектегі шабуылдан соң болған өшпенділік пен адамгершілікке қайшы әрекеттерден қауіптенеді.
