ТАСС мәліметінше, 11 маусымнан бастап өңірде ТЖ режимі орнатылған.
"Тәуліктің басында 158,6 мың гектар алқапта 90 орман өрті анықталды, оның ішінде Амгин, Верхоян және Олекмин аудандарында 542 гектарды қамтитын 5 тілсіз жау ошағы жойылды", - деді республиканың жедел штабында.
Нақтыланғандай, өткен тәулікте 14 мың гектардағы 20 жалын ошағы сөндірілген. Атап айтсақ, Алдан, Булун, Жиган, Кобяй, Мегино-Кангалас, Мирнин, Намск, Нерюнгрин, Томпон және Усть-Май аудандарындағы өрттер жойылды. Сонымен қатар, авиациялық және ғарыштық мониторинг барысында 17 жаңа – ауданы 2,4 мың гектар өрт анықталды.
"Жанып жатқан орман өрттері елді мекендер мен экономика объектілеріне қауіп төндірмейді", – деп түсіндірді Якутия экология, табиғатты пайдалану және орман шаруашылығы министрінің орынбасары Андрей Коноплев.
Қазіргі уақытта өртті сөндіруге 700-ден астам адам жұмылдырылған, авиация, жасанды жауын-шашын тудыратын зондтаушы ұшақтар жұмыс істеуде.
Сондай – ақ, Якутия елдегі өрт қаупі бар аймақтардың бірі болып табылады. Ормандардың жалпы ауданы 256,1 млн га (аумақтың 83,4%) құрайды.
16 маусымда Калифорнияда алапат орман өртінің жылдам таралуына байланысты адамдарды эвакуациялау басталғанын хабарлаған болатынбыз.
