Бұл туралы HRT ұлттық телеарнасы хабарлады.
"Алты адам қаза тапты. Белгісіз ер адам қарттар мен мүгедектер үйіне баса-көктеп кіріп, оқ жаудырды. Салдарынан оқиға орнында бес адам қазақ тапты, ал жараланған тағы бір адам ауруханада жан тапсырды. Тағы бірнеше жаралы адам бар", делінген хабарламада.
Қаза тапқандардың отбасыларына Хорватия Премьер-министрі Андрей Пленкович, ел Президенті Зоран Миланович және республика ІІМ басшысы Давор Божинович көңіл айтты.
Бейресми мәліметтерге сәйкес, оқ жаудырған адам әскери полицияның отставкадағы қызметкері, ал аталған мекемеде оның анасы болған.
Бұған дейін Хорватияның Дарувар қаласында ер адам қарттар үйіне кіріп, атыс ашқаны туралы хабарланған болатын. Бес адам қаза тауып, көптеген адам жараланды.