RT India басылымының х әлеуметтік желісіндегі ақпаратқа сүйенсек, 26 қыркүйекте 10-нан астам адам қаза тапты, жүздегені эвакуацияланды. Мұнымен қоса, елдің шығысындағы Бихар штатында Ганг өзені арнасынан асты.
Қатарынан 10 күн жауған нөсер жауынның аяғы қарғын суға айналып, үйлерді су басып, жолдар шайылды. Сондай-ақ, шаруалардың жаз бойғы еңбегі зая кетті.
Штатта 300-ден астам қоғамдық ас үй бар. Олар зардап шеккендерге құрғақ рацион пакеттерін таратады.
Сурет: Х/the_hindu
Билік 600-ден астам мемлекеттік мектептерді жабуға және су тасқынынан зардап шеккен аймақтағы университеттердегі емтихандарды кейінге қалдыруға бұйрық берді.
Бұған дейін Ұлыбританияда бірнеше қаланы су басқаны хабарланды.
