Мемлекет басшысы «Қазақстан Республикасының кейбір заңнамалық актілеріне әскери қызмет және арнаулы мемлекеттік органдар қызметкерлері мен әскери қызметшілердің тұрғын үй қатынастары мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, делінген Ақорда хабарламасында.
Заң әскери қызметшілер мен арнайы мемлекеттік органдар қызметкерлерінің әлеуметтік қамсыздандырылуын жақсартуға, әскери қызметті өткеру мәселелерін регламенттеуге арналған.
Атап айтқанда, құжатта мыналар қарастырылады:
қызметтік тұрғын үйлерді жекешелендіру құқығының ауысуы, ақшалай өтемақы алу және қайтыс болған арнайы органның қызметкері мен әскери қызметшінің отбасы мүшелеріне алмасу құқығын пайдалану;
қызметтік тұрғын үйлерді қалдық құны бойынша немесе өтеусіз жекешелендіру;
тұрғын үймен екі рет қамтамасыз ету жағдайларын шектеу;
әскери қызметшілердің құқықтары мен міндеттерін кеңейту.
