Бұл туралы ҚР Білім және ғылым министрлігі мектепке дейінгі және орта білім комитеті төрайымы Гүлмира Кәрімова брифингте айтты.
17 қаңтардан бастап үшінші тоқсан басталды. Ал оқу жылының ұзартылуы жайында айту әлі ертерек. Бұл мәселеге қатысты шешім елдегі санитариялық-эпидемиологиялық жағдайды ескере отырып қабылданады. Бұл жайлы ақпаратты кейінірек айтамыз. Күн сайын коронавирус инфекциясын жұқтыру дерегі бойынша талдау жұмыстары жүргізіледі. Соған сай шешім қабылданады. БҒМ Мектепке дейінгі және орта білім комитетінің төрайымы Гүлмира Кәрімова
Бұған дейін Қазақстан оқушылары онлайн форматта білім алатынын жазған болатынбыз.
Тек оқушы саны 600-ден аз мектеп пен 1-2 сынып оқушылары дәстүрлі форматта оқиды. Ал 3-5 сынып оқушылары кезекшілік топтарда сабағын жалғастырады.