Асхат Аймағамбетов бұл туралы Facebook-тегі парақшасында жазды.
Республикалық бюджеттен өңірлердегі колледждерде білім алу үшін қосымша 45 мың грант бөлінеді. Мұндай шешім Президент тапсырмасын орындау мақсатында қабылданып отыр, – деп жазды Білім және ғылым министрі Асхат Аймағамбетов.
Еске сала кетейік, бүгін ғана Қазақстан колледждеріне студенттер енді жаңа әдіспен қабылданатыны туралы хабарланған еді. Білім және ғылым министрлігі Техникалық және кәсіптік білім департаментінің директоры Насымжан Оспанованың айтуынша, әр талапкердің 4 мамандық пен 4 колледжге дейін таңдау мүмкіндігі бар. Бұл жағдайда таңдауды өзгерту мүмкіндігі үш рет жүзеге асырылуы мүмкін.
Құжаттарды қабылдау 20 маусымда электронды үкімет порталы арқылы және тікелей колледжде басталады.
