ҚР Білім және ғылым мнистрлігі Әл-Фараби атындағы Қазақ ұлттық университетінің Қан тамырлары патологиясы орталығының қызметкерлері артериялық тамырлардың өткізгіштігін қалпына келтіруге арналған құрылғылар мен әдістерге Қазақстан Республикасының екі патентін және Еуразиялық патенттік ведомствоның екі патентін алғанын мәлімдеді.
Ғалымдардың айтуынша, өнертабыс «Артериялық тамырлардың өткізгіштігін қалпына келтіруге арналған құрылғы және әдіс» және «Атеросклеротикалық бляшкаларды селективті ультрадыбыстық диссекцияға арналған құрылғы және артериялық тамырлардың өткізгіштігін қалпына келтіру әдісі» деп аталады.
Емдеу әдісі мынадай: біз артерияларда жабық қуыс жасап, артерия арқылы қан ағып жатқан кезде атеросклеротикалық түйіншектерді препаратпен ерітеміз. Бұл өнертабыстар атеросклеротикалық түйіншектерді түбегейлі жоюға және бірден бірнеше артерияларды тазалауға мүмкіндік береді.әл-Фараби атындағы ҚазҰУ Қан тамырлары патологиясы орталығының директоры Оралбай Дәрменов.
Ғалымдар бұл құрылғыларды қолдану қан тамырларын стенттеу, сондай-ақ өмірлік маңызды мүшелер, яғни жүрек, ми, төменгі аяқ артериялары және т. б. тамырларына ашық шунттаушы операциялар сияқты белгілі және күрделі әдістермен салыстырғанда емдеудің салыстырмалы түрде тиімді болжамдары мен сапасын беретінін айтты.
Сурет: ҚР Білім және ғылым министрлігінің баспасөз қызметі
Жыл сайын әлемде стенттер 60 млрд долларға сатылады, біз ұсынатын емдеу әдісі әлдеқайда арзанырақ болады. Біздің өнім техникалық та, құны жағынан да жақын аналогтардан бірнеше есе асып түседі. Профессор Оралбай Дәрменов
Қазіргі уақытта ғалымдар клиникалық сынақтар мен коммерциялық өндіріске арналған құрылғылардың зертханалық және өндірістік үлгілерін жасаумен айналысып жатыр.
