Назарбаев зияткерлік мектебіне берілетін грант көлемі ұлғайды

Қазақстан Республикасы Үкіметінің 2022 жылғы 25 мамырдағы қаулысымен «Назарбаев Зияткерлік мектептері» дербес білім беру ұйымында дарынды балалардың оқуына ақы төлеу үшін Қазақстан Республикасы Тұңғыш Президентінің «Өркен» білім беру грантының мөлшері үлғайтылды, деп хабарлайды Zakon.kz.

Гранттың жаңаша мөлшерлері:

• жатақханада тұруды есептемегенде жылына 2 157 759 (екi миллион бір жүз елу жеті мың жетi жүз елу тоғыз) теңге;

• жатақханада тұруды есептегенде жылына 3 055 432 (үш миллион елу бес мың төрт жүз отыз екi) теңге.

  Қаулы 2022 жылғы 1 қаңтардан бастап қолданысқа енгізіледі. Сәйкесінше, грант көлемі де биылғы жылдың басынан ұлғайтылды.