Вице-премьердің айтуынша, ғалымдарды жүйелі қолдау ғылымды дамытудың басым бағытына айналуға тиіс. Осыған байланысты ғылыми қызметке бейім балаларды іріктеудің үздіксіз көп деңгейлі жүйесін әзірлеуді тапсырды.
Мұндай жүйе қазірдің өзінде өнер саласында сәтті жүзеге асырылып жатыр. Болашақ режиссерлер мен музыканттарды дайындау орта мектеп қабырғасынан басталып, мамандандырылған колледждер мен жоғары оқу орындарында жалғасады.
Ғылыми-зерттеу әлеуеті зор ғалымдардың жаңа буынын қалыптастыру үшін таланттарды жинау бағдарламасын әзірлеуді тапсырамын. Сонымен қатар шетелден келген қазақстандық дарынды ғалымдар тізімінің ақпараттық базасын құруды жеделдету қажет.Премьер-министрдің орынбасары Ералы Тоғжанов
Бұған дейін Ғылым және жоғары білім министрі Қазақстанда ғылыми кадрлардың тапшылығы апатты жағдайда екенін айтқан еді. Тәуелсіздік алған кездері 52 мыңға жуық ғалым болса, қазір ғылыми-зерттеу институттары мен жоғары оқу орындарының базасында 22 мың адам ғана еңбек етіп жатыр.
