Айта кетейік, Алматыда қиын жағдайға тап болған студенттерге арналған арнайы жедел штаб жұмыс істейді. Баспанамен қамту бойынша студенттер тәулік бойы 8 778 655 60 83 байланыс телефонына хабарласа алады. Бұдан бөлек Ғылым және жоғары білім министрлігінің 1450 бірыңғай байланыс орталығы жұмыс істейді. Сонымен қатар, Әділет министрлігінің тұрғын үйді жалға алу мәселелері бойынша тегін заңгерлік кеңес беретін 119 (қалалық телефон) немесе 58-00-58 байланыс номеріне хабарласуға болады (Алматы, Астана). ҚР Ғылым және жоғары білім министрлігінің баспасөз қызметі
Сондай-ақ аталған ведомство еліміздегі барлық жоғары оқу орындарында қоғамдық кеңселері ашылғанын, ол жерге студенттер, олардың ата-аналары мен оқытушылары жүгіне алатынын ескертеді.
Әлеуметтік желіде Алматыдағы студенттердің "далада түнеп жүргені" жайлы бейнеролик тарады. Жүгін жинаған студенттер балалар алаңындағы орындыққа жайғасқан. Кейін желіде компьютер клубынан түсірілген видео пайда болды. Видео авторы студенттердің бұл араға жылынып алуы үшін кіргенін айтады.