"Терезелдерді өз күшімізбен бітедік. Саңылауларға целлофон пленкаларды жапсырдық. Сонда да ғимаратта 6 градус қана жылы. Мұны біз емес, әкімдік, мемлекет, ойлауы керек қой. Балалар келгеннің өзінде қалай отырады мына жерде? Оқушылар онсыз да жылу маусымы басталғалы бері қалың киіммен отыр. Бұл оқу процесіне кедергі келтіреді, бірақ амалымыз жоқ". Марина Грибанова, мұғалім
КТК телеарнасының хабарына қарағанда, Теміртауда орталық жылу жүйесіне қосылған 23 мектепте бүгін бала жоқ. Олардың бәрінде талап бойынша болуға тиіс жылу көрсеткіші 17 градусқа жетпеген. Ал қалаға жылу беретін №2 жылу электр орталығы "Арселор Миттал" компаниясының меншігінде.
Олардың сөзінше, орталықтағы 6 қазандықтың тозығы жеткен. Ал жаңа жетінші қазандықтың құрылысы күзде ғана аяқталады.
"Арселор Миттал" басшылығы қазір жылу беру тұрақтанады деп уәде беріп отыр. Кешке жақын тағы да тексереміз. Температурасы нормаға сәйкес келсе, ертең біз оқушыларды қайтадан оқуға жібереміз. Келмесе, біз облыс басшылығымен біз арнайы шешімге келеміз, ата-аналарға осы ақпаратты жеткіземіз.Самат Зияшев, Теміртау қаласы әкімінің орынбасары
