2025 жылға дейінгі «Қуатты өңірлер – ел дамуының драйвері» Ұлттық жобасы аясында жалпы құны 33 млрд теңгені құрайтын тоғыз топтық су құбырын салу және қайта жаңғырту жоспарланып отыр. Жалпы, 2025 жылға қарай 1,2 мың шақырымға жуық топтық су құбырларын жүргізе отырып, 22,3 мың тұрғыны бар 41 ауылдық елді мекенді сапалы ауыз сумен қамтамасыз ету және 33 мың тұрғыны бар 52 ауылдық елді мекенді сумен қамтамасыз етуді жақсарту жоспарланып отыр.Экология, геология және табиғи ресурстар министрі Серікқали Брекешев
Биыл Эскулиский су құбырын пайдалануға беру жоспарда. Сонымен қатар Алматы, Атырау, Қарағанды, Қызылорда, Маңғыстау және Солтүстік Қазақстан облыстарында топтық су құбырын салу және қайта жаңғырту бойынша 18 нысанды іске асыруға 6,1 млрд теңге көлемінде қаражат бөлінді.
Министр 2023-2024 жылдарды аяқтау жоспарланғанын айтты. Нәтижесінде жалпы саны 458 мың адам тұратын 158 ауылдық елді мекенде сумен қамтамасыз ету жақсарады.
Министрліктің мәліметінше, қазір республикада ұзындығы 15,5 мың шақырым 76 топтық су құбыры бар. Оның ішінде ұзындығы 13,4 мың шақырым болатын 39 топтық су құбыры республика меншігінде. Олар 1,4 миллион тұрғыны бар 655 ауылдық елді мекенді ауыз сумен қамтамасыз етеді.
Сынақ режимінде Ақтөбе, Қарағанды және Қызылорда облыстарындағы үш нысанға сапалы ауыз су жеткізілді.Серікқали Брекешев