Дүниежүзілік экономикалық форумның баяндамасына сәйкес, соңғы 10 жылда 92 ел таза энергияға көшу көрсеткіштерін жақсартқан, деп хабарлайды Zakon.kz
Бұл ретте Қазақстан 115 елдің арасында жасыл экономикаға көшу рейтингінде 83- орынға жайғасқан. Осы салада елдердің тек 10%-ы ғана айтарлықтай жетістіктерге қол жеткізген.
Рейтингте Швеция, Норвегия және Дания секілді Скандинавия елдері көш бастап тұр.
Бұрынғы Кеңес одағы елдерінің арасында Арменияның (57-орын), Ресейдің (73-орын) және Тәжікстанның (75-орын) көрсеткіштері әлдеқайда жақсы. Қырғызстандағы жағдай оңып тұрған жоқ, 94-орын.
Моңғолия (113-орын), Гаити (114-орын) және Зимбабве (115-орын) рейтингте соңғы орынға ие болды.