18 маусым мен 31 тамыз аралығында ел аумағынан күнбағыс майын әкетуге шектеулер енгізілді, деп хабарлайды Мемлекеттік кірістер комитеті.
Күнбағыс майын Қазақстан аумағынан әкетуге сандық шектеулер бағаларды тұрақтандыру және сыртқы нарықтарда жоғары сұранысқа байланысты нарықта тапшылықтың туындауын болдырмау мақсатында енгізілді.
Күнбағыс майын ел аумағынан әкету Агроөнеркәсіптік кешендегі мемлекеттік инспекция комитетінің аумақтық бөлімшелері беретін фитосанитариялық сертификат болған кезде ғана жүзеге асырылады. ҚР ҚМ МКК
Айта кетейік, күнбағыс майын әкетуге енгізілген сандық шектеулер 2021 жылғы 15 желтоқсаннан бастап 2022 жылғы 1 маусымға дейін қолданылған.