Әлібек Қуантиров еліміздің жыл басынан бергі әлеуметтік-экономикалық дамуының қорытындыларымен таныстырды.
"Қаңтар-қазан айларында Қазақстан экономикасының өсу қарқыны 2,5 пайызды құрады. Оның ішінде нақты сектордағы өсім 2,8 пайызды, қызмет көрсету саласында 1,6 пайызды құрады. Салалар арасында оң өсім ауыл шаруашылығы, ақпарат және коммуникация, құрылыс, өндіріс, сауда, көлік және қойма шаруашылығы». Қазақстан Республикасының Ұлттық экономика министрі Әлібек Қуантиров
Оның айтуынша, өңдеу өнеркәсібі оң өсу қарқынын сақтауда: жыл басынан бері өндіріс 4,3%-ға өсті.
Машина жасау өндірісі 7,7%-ға өсті. Оның ішінде автомобиль өнеркәсібі 18,3%-ға, электр жабдықтарын өндіру 12,4%-ға өсті.
«Өсім келесі салаларда да байқалады: химия өнімдері, жеңіл өнеркәсіп, сусындар, пластмасса бұйымдары, мұнай өнімдері, тамақ өнеркәсібі». Әлібек Қуантиров
Бұл ретте Ұлттық экономика министрлігінің басшысы тау-кен өнеркәсібінде өндіріс көлемі 1%-ға қысқарғанын атап өтті.
Сондай-ақ газ өндіру – 1,5%-ға, мұнай өндіру – 2,5%-ға және басқа да пайдалы қазбаларды өндіру – 9,9%-ға төмендеген.
Сарапшылар Қазақстан экономикасы үшін негізгі үш мәселені атады.
