Министрдің айтуынша, қазір елде ұн тапшылығы жоқ.
"Ұнға қатысты жағдайды байқап отырмыз, оны жоққа шығармаймыз. Бірқатар өңірлерде бағаның шарықтауы байқалады, атап айтқанда, Жамбыл, Атырау, Ұлытау облысы және Шымкентте. Біз бүгін жиын өткізіп, бір шешімге келдік. Бүгін жиналыс өткізіп, оның себебі неде екенін анықтадық. Жауапкершілік алып айтқым келеді: бізде бүгінде ұн тапшылығы жоқ". Арман Шаққалиев
Арман Шаққалиев Азық-түлік корпорациясы жыл сайын өз қорына белгілі мөлшерде астық жинайтынын атап өтті.
"Корпорациялардан 95 мың тонна астық. Бұл қор бірінші сұрыпты ұн болатындай етіп дайындалды, сәйкесінше одан нан әлеуметтік маңызы бар бағамен пісірілді. Барлық тапсырыстар орындалды. Қазір өңірлер операторлардың тізімін берді. Кесте айқын. Жүк тасымалдау мәселелері талқыланды".Арман Шаққалиев
Сондай-ақ министр ведомство бағаның көтерілу себебін анықтайтынын айтты.
"Шарықтау болды, біз мұның немен байланысты екенін анықтап жатырмыз. Бірақ жасырын емес: бүгінде біз мінез-құлық экономикасы жағдайында жұмыс істейміз. Бұл нені білдіреді? Бізде инфляциялық күту және тұтынушылық күту деген ұғым жиі кездеседі. Ол белгілі бір теріс ақпараттық фонға байланысты". Арман Шаққалиев
Министр ұнға деген сұраныстың артуы халықтың егін науқанындағы қиындықтарға алаңдап отырғанымен байланысты екенін атап өтті. Көпшілік астық тапшылығынан ұн мен нан бағасы көтеріліп кетуі мүмкін деп қауіптеніп, ұнды алдын ала сатып алады. Бірақ, Арман Шаққалиевтің айтуынша, биылғы жылға ұн өндіруге жеткілікті астық қоры бар.
"Тағы да жауапкершілік ала отырып айтамын: биылғы жылы әлеуметтік маңызы бар азық-түлік өнімдерінен бірінші сұрыпты ұн мен былтырғы қордағы наннан толық қамтамасыз етілді. Бұл жоғары сапалы астық, бұл дәнді дақылдың құрамында мынанша дәнмаңыз бар дейтіндей емес. Астық бар, оның үстіне бақылап отырмыз, сыртқы периметр бойынша мониторинг жүргіземіз".Арман Шаққалиев
Министр шамамен 200 мың тонна астық Ресейден келетінін айтты .
"Ол жақта бұл процесті оңтайландырдық. Бүгінде ол темір жол арқылы тасымалданып жатыр. Кім үшін? Өнімді тікелей алушылар үшін. Олар лицензиясы бар элеваторлар мен ұн тартушылар, өңдеушілер. Бұл өте маңызды. Неге? Өйткені біз әрқашан сауда мәмілелерінде ешқандай делдалсыз, тікелей келісім-шарттар болуын қамтамасыз етуіміз керек. Өйткені саудадағы делдал ажырамас элемент болып саналады. Делдалдарсыз сауда болмайды". Арман Шаққалиев
Министр саудада өнімсіз, жосықсыз қатысушылар да бар екенін мойындады.
"Тағы да қайталап айтамын: қор бар, ұн бар. Айтпақшы, бұл біз үшін тұрақтандыру қорлары жұмысының жеделдігіне жақсы мысал болады. Олар алып-сатарлық күтім, сұраныс бар сәттерде болады. Тұрақтандыру қорлары жоқ, келісім-шартқа уақытында қол қоймаған өңірлер баға неліктен шарықтап жатқанын көрсетеді. Бірақ бүгінгі жағдай пысықталды, себеп-салдарлық байланыс орнатылды. Сондықтан ұн тапшылығы болмайды деп сендіре аламын". Арман Шаққалиев
Бұған қоса ҚР Сауда және интеграция министрі елде қант тапшылығы неден туып отырғанын түсіндірді.
