Қазақстанның экономикалық өсуі 11 айдың қорытындысы бойынша 4,4%-ды құрады

Сурет: Қазақстан Республикасы Ұлттық экономика министрлігінің баспасөз қызметі
Үкімет отырысында Қазақстанның ағымдағы жылғы қаңтар-қарашадағы әлеуметтік-экономикалық даму қорытындылары қаралды, деп хабарлайды Zakon.kz.

Премьер-Министрдің орынбасары – Ұлттық экономика министрі Нұрлан Байбазаров есепті кезеңдегі экономиканың өсуі 4,4% болғанын баяндады. Нақты саладағы оң динамика 5%, көрсетілетін қызметтер 4,5%.

Салалардың ішінде ауыл шаруашылығы мен құрылыс жоғары өсуді көрсетіп отыр. Сауда 8,2%-ға, көлік қызметі 8,1%-ға, өңдеу өнеркәсібі 5,3%-ға өсті.

Негізгі капиталға салынған инвестиция 3,1%-ға артты. Білім беру саласындағы инвестиция көлемі 2,2 есе, ғылым мен техникалық қызметте 42,1%-ға, көлікте 27,2%-ға, өңдеу өнеркәсібінде 18%-ға өскен.

Қаңтар-қазандағы республикадағы сыртқы сауда айналымы $116,9 млрд. Экспорт $68,5 млрд, оның ішінде өңделген тауар $23,3 млрд, импорт $48,4 млрд. Жалпы ҚР оң сауда балансы $20,1 млрд.

Өңдеу өнеркәсібінде оң өсу қарқыны сақталып отыр. Өнеркәсіп көлемі 5,3%-ға жеделдеген.

Ағымдағы жылғы қаңтар-қарашада 16,3 млн шаршы метр тұрғын үй пайдалануға берілді. Бұл өткен жылғы сәйкес кезеңдегі көрсеткішпен салыстырғанда, 8,3%-ға жоғары.

Ауыл шаруашылығы өнімінің жалпы шығарылымы 13,4%-ға ұлғайған. Негізгі егін жинау науқанының аяқталуының арқасында өсімдік шаруашылығындағы өсу 19,9%.

Н.Байбазаровтың айтуынша, орталық және жергілікті атқарушы органдар экономикалық өсуді қамтамасыз етуі үшін мынадай шараларға назар аударуы қажет:

1. Құрылыстағы бюджет қаражатының игерілуіне бақылауды күшейту, жалға берілетін тұрғын үйлер мен жолдардың құрылысын аяқтау;

2. Жыл соңына дейін өңдеу өнеркәсібіндегі жоспарланған инвестициялық жобалардың аяқталуын және іске қосылуын қамтамасыз ету;

3. Тұрғын үй салуға және машина жасауды қолдауға бөлінген қаражатты бақылау мен игеруді күшейту;

4. Бюджеттік бағдарламалардың әкімшілері қаражаттың толық игерілуін қамтамасыз етуі тиіс;

5. Астықты, оның ішінде экспортқа үздіксіз тасымалдауды және өткізуді қамтамасыз ету қажет.

Қазақстан
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Қазақстанда атом нысандарының қауіпсіздігіне қойылатын талаптар бекітілді

Қазақстан алғаш рет БҰҰ рейтингінің үздік 20 елі қатарына және ең жоғары рейтингілік топқа енді

Мемлекет басшысы Парламентаралық одақтың президенті Милтон Дикті қабылдады

"Күн жауын-шашынды болады". Еліміз бойынша 20 қарашаға арналған ауа райы болжамы

Путин, Си Цзиньпин және Трамп бейбітшілік туралы декларацияға қол қойды