Мұндай шешім биыл қабылданған заңға сәйкес жүзеге асырылды.
"2025 жылғы 1 қаңтардан бастап "Астанаэнергосбыт" ЖШС электрмен жабдықтау бойынша жұмысын тоқтатады. Электр қуатымен қамтамасыз ету қызметі "Астана – Аймақтық электржелілік компаниясы" АҚ (Астана-АЭК) беріледі. Осыған байланысты абоненттерден электрмен жабдықтау қызметіне қатысты сұрақтар бойынша Астана-АЭК-ке хабарласуды сұраймыз", делінген хабарламада.
"Астанаэнергосбыт" тек қана жылу мен ыстық суға жауап береді. Осыған байланысты компания 1 қаңтардан бастап елордадағы екі сервис орталығын жабады:
- №3 Сервис орталығы, Абылай хан даңғылы, 49;
- №4 Сервис орталығы, Бөгенбай батыр даңғылы, 24/1.
Клиенттер Әйтеке би көшесі, 3 үй, А блогындағы №1 Сервис орталығына, сондай-ақ Қажымұқан көшесі, 6 үйде орналасқан №2 Сервис орталығына хабарласа алады. Бұл екі орталықта мамандар төлемдерді салыстыру, жеке тұлғалардың есептеулері, жылу энергиясымен жабдықтауға қызмет көрсетуге шарт жасасу бойынша кеңес береді, сондай-ақ халықтан төлемдер қабылдайды.