Қазақстандық оқушылар математикадан халықаралық олимпиадада төрт медаль жеңіп алды

Қазақстан құрама командасы Словенияның Порторож қаласында өткен қыздарға арналған Еуропалық математикалық олимпиадасында (EGMO) төрт бірдей медаль ұтып алды, деп хабарлайды Zakon.kz.

ҚР Оқу-ағарту министрлігінің мәлімдеуінше, еліміздің намысын Астана мен Алматы қалаларынан және Павлодар облысынан  барған төрт оқушысы қорғады.  Қорытынды бойынша төртеуі де жүлделі орыннан көрінді:

• Мерей Темирзинова (Астана қаласы) – күміс медаль;
• Анастасия Одинцова (Павлодар облысы) – күміс медаль;
• Ақерке Нурахметова (Алматы қаласы) – күміс медаль;
• Амира Кенбаева (Алматы қаласы) – қола медаль.

Олимпиада 2023 жылғы 13-19 сәуір аралығында өтті. Онда әлемнің 60 елінен 240 оқушы қатысты. .