Interesting Engineering басылымының жазуынша, Кюсю аралында птерозавр түрінің мойын омыртқасының бір бөлігі табылған. Ғалымдар бұл жануардың жалпы алғанда алты мойын омыртқасы болғанын анықтады.
Ғалымдардың айтуынша, птерозаврлар — ұшуды үйренген алғашқы омыртқалы динозаврлар тобы. Жапонияда мұндай олжалар өте сирек кездесетіндіктен, бұл жаңалық ерекше маңызға ие.
Сурет: Wikimedia
Палеонтологтар Nipponopterus mifunensis атты түрді алғаш рет 1990-жылдары Кумамото префектурасындағы Мифуне геологиялық қабатынан тапқан. Зерттеуге Қытай, Бразилия және Жапония ғалымдары қатысқан.
Зерттеушілер Кумамото университетінің ұсынған заманауи компьютерлік томография технологияларын және филогенетикалық талдауды қолданып, қазбаларды егжей-тегжейлі зерттеді.
Ғалымдар бұл қалдықтарды Azhdarchidae тұқымдасына жататын жаңа тұқым мен түр ретінде таныды.
Бұған дейін 8 маусымда күннің бетінде жойқын жарылыс болғаны хабарланған болатын.