Бұл туралы NASA баспасөз қызметі хабарлады.
Астронавтар Халықаралық ғарыш станциясынан тысқа шығып, ғарыш аппараттарына арналған навигациялық құрылғыны ауыстырады және станцияға техникалық қызмет көрсету бойынша бірқатар жұмыстарды орындайды.
"Тікелей трансляция АҚШ-тың шығыс уақыты бойынша сағат 07:00-де басталады. Ашық ғарышқа шығу шамамен сағат 08:30-да жоспарланған және алты жарым сағатқа жуық уақытқа созылады", – делінген хабарламада.
Америкалық астронавтардың ашық ғарышқа шығуының 99-шы миссиясы аясында NASA астронавты Джессика Меир мен Еуропалық ғарыш агенттігінің астронавты Софи Адено Harmony модулінің алдыңғы бөлігіндегі шағылыстырғыш-ретрорефлекторды ауыстырады.
"Бұл құрылғы ғарыш аппараттары Халықаралық ғарыш станциясына жақындап, станциямен түйісу кезінде навигация жасау үшін қажет", – деп түсіндірді ғарыш агенттігі.
Бұған дейін қазақстандықтар сирек кездесетін Ауригидтер жұлдыз жауынын қай жерден және қашан көре алатыны туралы хабарланған болатын.