Cybertruck-ты сериялы өндіріске шығаратын уақыт әлі келмеген сияқты, соңғы кездері экологиялық квадроциклдан да хабар жоқ.
Бірақ 1 желтоқсанда Tesla сегізден асқан балаларға арналған Cyberquad моделін сата бастады, дейді kolesa.kz.
Cyberquad — монолит рамаға негізделген реттелетін аспасы, дискілік тежеуіштері мен кішкентай электромоторы бар квадроцикл. Салмағы 55 келі тартатын шағын көлік сағатына 16 км жылдамдықпен қозғалады, ал жүріс қоры 24 шақырымға жетеді. Оны қуаттау үшін шамамен 5 сағат уақыт жұмсайсыз.
Машинаны 1900 долларға (828 мың теңге) алуға болады. Балалар мінетін көлік иелеріне екі апта не бір айдан соң жеткізіледі.