Таразда оқушы бала құтқарушы робот ойлап тапты
![Тараз, оқушы, робот, сурет - Zakon.kz жаңалық 01.03.2023 11:39](https://kaz.zakon.kz/pbi/WEBP/2023-12-20/file-34c4a2be-1ae1-4afd-a89e-637d48b7a060/800x450.webp)
Тараз қаласындағы №7 мектеп-гимназия оқушысы өрт кезінде адамдарды құтқаруға көмектесетін робот ойлап тапты, деп хабарлайды Zakon.kz.
Оқушы роботқа "Темір-Батыр" деп ат қойыпты. Құлтемір өрт кезінде жалынды сөндіріп, қою түтін ішінде қалған адамды да іздеп табады.
"Роботтың алдында кедергілерді итеруге арналған құрылғысы және камерасы бар. Темір-Батырды қашықтықтан басқарып, камера арқылы өрт болған жерді көруге, ультрадыбысты қондырғының көмегімен өрттің қай жерден шыққанын, адамның бар-жоғын анықтауға болады. Роботтың ішіне екі бак орнатылған. Оған жағдайға байланысты көпіршік немесе су толтырылады. Қысым сұйықтықты 5 метр қашықтыққа шаша алады",– дейді өнертапқыш оқушы.
Вячеслав Кузьмин Темір-Батырды Жамбыл облысының төтенше жағдайлар департаменті мамандарына апарып көрсетпекші. Патент алып, роботты тағы да жетілдіру жоспарында бар.
9-сыныпта оқитын Вячеслав Кузьмин техникалық- шығармашылық орталықта қосымша білім алады. Төтенше жағдай кезінде көмек болатын құрылғыны осы орталықта тәлімгері Айнұр Сұраншиеваның жетекшілігімен жасап шығарған.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript