Ведомствоның мәліметінше, мемлекеттік бюджет шығыстары 98,4%, республикалық 99,5%, жергілікті бюджеттер 97,6% орындалды.
Республикалық бюджет бойынша 11,7 триллион теңгеге шығыстар жасалды. Орындалмағаны - 60 млрд теңге. Оның 11 млрд теңгесі – үнемдеу. Игерілмегені – 49 млрд теңге. Игерілмеудің ең көп мөлшері Ішкі істер, Қорғаныс, Төтенше жағдайлар және Оқу-ағарту министрліктерінде қалыптасты.Қаржы министрі Ерұлан Жамаубаев
Оның айтуынша, игерілмеудің негізгі себептері - ұзақ мерзімді тендерлік рәсімдер, орындалған жұмыстардың актілерін, шот-фактураларды уақытылы ұсынбау, келісім-шарттар жасаудың ұзақ мерзімді рәсімдері, қызметтердің көлеміне ақы төленгендіктен болған қосымша келісімдер, есепте қаражат жұмсау уақыты нақты көрсетілмеуі.
Министр жергілікті бюджеттердің шығысы 6,3 триллион теңге болса, орындалмағаны 155 миллиард теңге екенін айтты.
Сонымен қатар ол биыл өңірлерге 3,3 трлн теңге көлемінде нысаналы трансферттер қарастырылғанын түсіндірді.
1 қыркүйектегі жағдай бойынша оларға 1,9 трлн теңге бөлінді. Оның 95,6%-ы игерілді. Орындалмаған – 85 млрд теңге, оның ішінде үнемдеу – 7 млрд теңге, игерілмеген – 78 млрд теңге. Ең үлкен игермеу мына аймақтарда: Алматы, Маңғыстау, Қарағанды және Түркістан облыстарында.ҚР Қаржы министрі Ерұлан Жамаубаев
Басқарма басшысы негізгі себептердің қатарында жобалық-сметалық құжаттарды түзету, атқарылған жұмыстардың актілерін уақытылы тапсыру, ұзақ мерзімді конкурстық рәсімдер, қазынашылық органдарына төлемге шот-фактуралардың уақытылы ұсынылуы деп атады.
