Оның айтуынша, қыркүйекте теңгенің долларға шаққандағы бағамы 0,9 пайызға әлсіреп, бір доллар үшін 476,53 теңге болды.
Теңге бағамына, сондай-ақ дамып келе жатқан нарықтардың валюталарына қысым АҚШ Федералды резервтік жүйесінің ақша-несие саясатын белсенді түрде қатаңдатуы, АҚШ долларының жаһандық нығаюы, геосаяси қақтығыстардың шиеленісуі аясында жалғасып жатыр.Ғалымжан Пірматов
Ол икемді валюта бағамын қалыптастыру валюта нарығының тиімділігін арттыруға және халықаралық резервтерді сақтауға көмектесетінін атап өтті.
Бұл ретте жалпы халықаралық резервтер қыркүйекте 2,1 млрд долларға азайып, 84,4 млрд доллар болды.
Сондай-ақ ол жыл басынан бері республикалық бюджетке 3,7 триллион теңге көлемінде трансферттер бөлу үшін 3,4 миллиард доллардың валюталық активтер сатылғанын айтты.
Бұл ретте ол дамыған елдердің орталық банктерінің ақша-несие саясатын қатайту туралы риторикасы аясында облигациялар мен қор нарықтары жыл басынан бері қатты құлдырағанын, бұл активтерінің төмендеуіне әсер еткенін атап өтті. Осылайша, дамыған елдердің облигациялар портфелі 722 миллион долларға, ал акциялар портфелі 1 255 миллион долларға азайған.