Дефолт бола қалса ел экономикасы рецессияға аяқ басып, Вашинтгонның халықаралық беделіне нұқсан келеді.
Бұған қоса Байден қазіргі дағдарысқа республикалықтарды айыптады, деп жазады qazaqstan.tv.
Бұған дейін Конгрестің төменгі палатасын басқаратын республикалықтар мемлекеттік қарыз шегін 1,5 триллион долларға ұлғайту үшін бюджеттік шығындарды қысқартуды ұсынды.
Дегенмен Сенат бұған қарсы шықты. Бұл мәселе бойынша ортақ келісім жасалмаса АҚШ 1 маусымда дефолт жариялауы мүмкін.
"Біз қарызымызды төлей алмасақ, бұл әлем үшін қиын болады. Бұл қолдан жасалған дағдарыс. Америка әлемдегі ең күшті экономикаға ие. Демек қарызын өтей алады. Шығындарды, дефицитті дағдарысқа жол бермей жауапты түрде қысқартуымыз керек." Джо Байден, АҚШ президенті
