Бірыңғай жиынтық төлем (БЖТ) бастапқыда жеке кәсіпкер ретінде тіркелмеген өзін-өзі жұмыспен қамтыған азаматтар үшін 5 жылға (2019 жылдан 2023 жылға дейін) уақытша енгізілді. Олардың табысының көлемі жылына төрт миллион теңгеден аспаған.
"Өздеріңіз білесіздер, қазір жеке тұлғалардың кірісі туралы декларация кезең-кезеңімен енгізіліп жатыр. 2024 жылы кәсіпкерлік қызметпен айналысатын барлық азамат (жеке кәсіпкерлер, директорлар, ЖШС құрылтайшылары) кіріс декларациясын тапсыруға міндетті", - делінген Мемлекеттік кірістер комитеті хабарламасында.
Басқарма бұрын кәсіпкерлік қызметпен айналыспаған азаматтар таңдау жасауы керек екенін ескертті. Кәсіпкер бола ма, жоқ жалдамалы қызметкер бола ма? Өйткені болашақта бұл азаматтардың табысы салық декларациясында немесе жұмыс берушілерден түсетін ақпаратта көрсетілуге тиіс.
Бұған дейін 2023 жылдан бастап БЖТ кім төлей алмайтыны белгілі болды.