Кейбір аймақтарда балмұздақ бағасы айтарлықтай көтерілген.
"Аймақтарда бағаның ай сайынғы өсуі Алматыда 1,1%-дан Түркістан облысында 19,7%-ға дейін ауытқиды. Балмұздақ бағасының айтарлықтай өсуі Алматы облысында (18,2%) және Астанада (10,9%) байқалды. Сонымен қатар Қазақстанның бес облысында: Жетісу, Қарағанды, Қызылорда, Павлодар және Солтүстік Қазақстан облыстарында баға өзгерген жоқ", - деп жазды Energyprom.kz.
Бір жылда балмұздақ бағасы 32,7% өскен. Бұл - кейінгі жылдардағы ең жоғары баға өсімі. Салыстыру үшін: 2022 жылдың мамыр айында балмұздақ бағасы 15,2% қымбаттады.
Биыл ең қымбат балмұздақ БҚО-да болды. Онда баға 79,7% көтерілді. Одан кейінгі орында Астана (+68,4%) және Алматы облысы (+44,7%). Ең аз баға Павлодар, Абай облыстарында және Алматыда көтерілді.
