5 шілдеде ҚР Қаржы министрлігі аппаратының басшысы Ерғали Егемберді Мемлекеттік кірістер комитетінің басшылық құрамына ҚР ҚМ Мемлекеттік кірістер комитеті төрағасының жаңа орынбасары Әнуар Сүлейменовті таныстырды, делінген ҚР ҚМ МКК баспасөз қызметінің хабарламасында.
Әнуар Сүлейменов 1986 жылы 24 мамырда Талдықорған қаласында дүниеге келген.
Білімі - жоғары, Жолдасбеков атындағы Экономика және құқық академиясын қаржы мамандығы бойынша, Тұран университетін құқық мамандығы бойынша бітірген.
Еңбек жолын 2008 жылдың қазан айында Алматы облысы бойынша Салық комитетінің жетекші маманы ретінде бастаған.
2010 жылдың шілде айынан бастап Алматы қаласы бойынша Мемлекеттік кірістер департаментінің түрлі бейінді бөлімшелерінде жетекші маман, бас маман, бөлім басшысы, басқарма басшысы болып жұмыс істеді.
2019 жылдың маусымынан бастап Қашықтықтан мониторинг басқармасының басшысы, 2021 жылы ақпаннан бастап Әкімшіліктендіру департаментінің директоры, 2021 жылғы тамыздан бастап ҚР ҚМ Мемлекеттік кірістер комитеті Ірі салық төлеушілер департаментінің директоры.
