Вице-министрдің айтуынша, елімізде 45 АЕК-тен асатын берешегі бар 28 047 салық төлеуші бар. Қарыздың жалпы сомасы – шамамен 878 млрд теңге.
"75%-дан астамы – әлеуметтік төлемдер бойынша шағын қарыз, есепшісі жоқ немесе мерзімі туралы жеткілікті хабардар емес, әрқашан уақытында төлемейтін орта және шағын бизнес. Әңгіме әлеуметтік аударымдар бойынша қарыз туралы".Ержан Біржанов
Бірақ оның айтуынша, қазір салықтан құтылу қиын болады.
"Қазір цифрлық технологияның заманы, салық төлеуден жасырыну мүмкін емес. Тіпті бұрын өлім мен салықтан құтылмайсың дейтін. Қазір мұны мемлекеттік кірістер органдарында ақпараттың жеткілікті болуы одан сайын күшейтеді. Бұл ғана емес, мемлекеттік органның өзінің дерекқорында, сонымен қатар басқа мемлекеттік органдарда да бар. Қазір біз басқа елдерден шоттардың бар-жоғы, мүлікті сату, транзакциялар туралы мәліметтер ала бастадық. Сондықтан қазірдің өзінде барлығына талап қойып жатырмыз, яғни әділдік пен теңдік қағидасы жүзеге асты".Ержан Біржанов
Салық төлеуде шынымен қиналатындар үшін мемлекет кейінге қалдыру және бөліп төлеу жоспарын ұсынуға дайын. Бұл қарызы 1600 АЕК-тен (5 млн 520 мың теңге) аспайтындарға әсер етеді.
"Жалпы біз шағын қарыздарға қатаң шаралар қолданбауды жақтаймыз. Мүмкін, салық төлеушінің белгілі бір жұмысшылары бар, өндіріспен айналысатыны бар. Бұл критерийлер әлі де нақтыланады. Сол арқылы біз жұмыс істеп тұрған кәсіпорындарды салық қинамауы үшін қолдағымыз келеді. Қазір мұның бәрі талқыланып жатыр. Біз мұндай басқару жүйесін бөліп төлеуге де қолданамыз. Оның қаржылай және салық тәртібін қарастырамыз. Төлем кестесі жасалады, келісіледі және ол соманы төлейді. Кәсіпкердің қаржылай жағдайын қадағалаймыз, егер ол жақсарса, бұл мәселені мерзімінен бұрын жабуы мүмкін".Ержан Біржанов
Қаржы министрлігі жалпы бұл тетіктердің жаңалық емес екенін ескертеді. Ведомство оны қарапайым, ыңғайлы және жылдамырақ етуді көздеп отыр.
27 қазанда Ұлттық экономика министрі Әлібек Қуантыров министрлік ҚҚС мөлшерлемесін көтеруді және КТС (корпоративтік табыс салығы) ставкасын дифференциялауды жоспарлап отырғанын айтты. Сонымен қатар жеке табыс салығын арттыру да ұсынылып отыр.