Қалалық мемлекеттік активтер басқармасы (коммуналдық меншік саласындағы уәкілетті орган) бүгін, 3 қарашада серіктестіктердің атауын нақтылады.
"Қайтару шартына сәйкес "F Link" (ЭФ Линк), "Grand Hall Unity" және "Альмтрейд" жауапкершілігі шектеулі серіктестіктерінің жарғылық капиталындағы 100% үлесі Алматы қаласының коммуналдық меншігіне қабылданды.Алматы қаласы Мемлекеттік активтер департаменті
ЖШС деректерін Алматы қаласының мемлекеттік активтер басқармасында тіркеу 26 қазанда аяқталды.
"Осыған байланысты, ҚР "Мемлекеттік мүлік туралы" және "Жауапкершілігі шектеулі және қосымша жауапкершілігі бар серіктестіктер туралы" заңдарына сәйкес басшылық жауапкершілігі шектеулі серіктестіктердің жарғыларына құрылтайшыға қатысты өзгерістер енгізеді.Алматы қаласы Мемлекеттік активтер департаменті
Сонымен қатар департамент "қаржы-шаруашылық қызметке мониторинг жүргізу, мүлікті түгендеу және бес жылдық кезеңге даму жоспарын жасау" мақсатында бақылау кеңесін құру бойынша жұмыс істеп жатыр.
"Шешім қабылдау үшін жоғарыда аталған шараларды жүзеге асыру қажет. Сонымен қатар бүгінде қолданыстағы жалға алушылар мен азаматтар сатып алған жазылымдарды ескере отырып, жауапкершілігі шектеулі серіктестіктердің одан әрі қызметі туралы мәселе қарастырылып жатыр. Бұл туралы қосымша хабарланады".Алматы қаласы Мемлекеттік активтер департаменті
2023 жылы 15 қыркүйекте Қайрат Боранбаев алты жылға бас бостандығынан айырылды.
20 қазанда сот Қайрат Боранбаевтың өтінішін қанағаттандырып, жазаның өтелмеген бөлігін бас бостандығын шектеуге ауыстырғаны белгілі болды. Ақмола облыстық соты кәсіпкер "пробациялық бақылауда болады" деп мәлімдеді.