Бұл туралы 24 ақпанда қадағалау органының сайтында жарияланған хабарламадан белгілі болды.
"Борышкерлер өз балаларына құлықсыз немесе немқұрайлы қарап, алимент төлеу жөніндегі міндеттерін елемей, букмекерлік кеңселерде құмар ойын ойнаған. Мәселен, бір ғана борышкердің баласына алимент бойынша берешегі 1 миллион теңгеден сәл асса, шотына 24 млн теңгеден асатын сома толтырған", - делінген хабарламада.
Облыстық прокуратураның қабылдаған шараларының арқасында бүгінде ойынға тәуелді 31 адам 38 миллион теңгеден астам алименттік қарызын өтеп үлгерді.
"Алимент төлемегені үшін 6 борышкерге қатысты қылмыстық жауапкершілікке тарту шаралары жүргізіліп жатыр. Қалған борышкерлермен жұмыс жалғасып жатыр".Алматы облысының прокуратурасы
Қадағалау органы сондай-ақ борышкерлерге алимент төлеу бойынша міндеттемелерді орындамағаны үшін көзделген әкімшілік (ҚР ӘҚБтК-нің 669-бабы) және қылмыстық (ҚР ҚК 139-бабы) жауапкершілігін еске салды.
